Një person ka pësuar lëndime të lehta pasi ishte goditur nga një veturë të hënën në Prizren.

Policia ka bërë të ditur se i dyshuari 23 vjeçar derisa ishte duke drejtuar veturën e tij, duke lëvizur nga mbrapa e godet një person, i cili ishte menaxher i marketit ku ndodhi aksidenti, shkruan arbresh.info.

“Me datë 13 qershor 2022 rreth orës 16:05, në rrugën “ Brigada 128 “, përball My Market, në Prizren vozitësi N N ishte duke drejtuar veturën e tipit VË Pasat me targa të panjohura. Duke lëvizur mbrapa rikverc, për ta parkuar ne parking te “My market”, gjatë këtij veprimi i dyshuari me pjesën e pasme të veturës e godet këmbësorin, i cili ishte duke qëndruar para marketit e duke e rregulluar mallin, pasi që i njëjti është menaxher në këtë market”, njofton policia.

Pas goditjes vozitësi është ndal ka biseduar me te lënduarin dhe pastaj i lënduari dhe vozitësi kanë vazhduar ne rrugët e tyre, ndërsa këmbësori i lënduar ne ora 17:20 minuta ka kërkuar ndihmën mjekësor ne spitalin e Prizrenit, pas tretmanit mjekësor ishte liruar ne shtëpi.

“Sot me 15.06.2022,Zyrtar profesional nga hetimet e njësisë së komunikacionit rrugor në Prizren, e hetuan rastin duke bërë verifikimin e automjetit dhe personit, të dyshimtin LH., i lindur në vitin 1999, e intervistuan për shkaktimin e aksidentit me Lëndime të Lehta Trupore dhe ikje nga vendi i ngjarjes”, thuhet në njoftim.

Në lidhje me rastin është informuar prokurori i Shtetit i cili urdhëroj që rasti shkon në procedurë të rregullt dhe dërgohet ne Gjykatën për Kundërvajtje./arbresh.info/